Udaas tehreer parh k meri mere sanam muskura na dena,
Ye aakhri khat main likh raha hon khayal karna jala na dena,
Guzar Rahi hai tumhari kesey bicharr k ham se Rula k ham ko,
Haqeeqaton ko zaror likhna ana ki khatir chupa na dena,
Koi jo poochey kidhr gaya wo jo teri mehfil ka tha sahara,
Jo furqaton ka sabab baney thy kisi bashar ko bata na dena,
Mein mar bhi jaon to muskurana ehsas_e_gham ki na choot khana,
Jo qurb_e_gham se Nigahain bheegen to Rukh se aanchal hata na dena,
Laho se tehreer kar raha hon mein apni saari kahani JAAN,
Jo phaar bhi do to paas Rakhna Hawa mein tukrey ura na dena
No comments:
Post a Comment