Piyar ki dewaar uthaa kar sona

Apni Ankh Ke Sab Hein Ashq Baha Kar Sona..
Tum Meri Yad Ka Har Deep Bujha Kar Sona..

Ek Sitara Bhi Mere Khayal Ka Baqi Na Rahe..
Chandni Shab K Nishanat Mita Kar Sona..

Dar Laga Rehta Hein Neenden Kahi Cheen Na Le..
Tera Har Roz Mere Khuawab Mein Aa Kar Sona..

Baad Mein Log Gira Dein Toh Koi Baat Nahi..
Har Taraf Piyar Ki Dewaar Uthaa Kar Sona..

Subha Hote Hein Tere Shehar Se Jana Hein Mujhe..
Aaj Ki Raat Zara Mujh Ko Mana Kar Sona..